उन्हाळा सुरु झालाय त्यामुळे उन्हात फिरल्याने चेहरा, हात काळपट दिसू लागतात यालाच इंग्रजीमध्ये सन टॅन असे म्हणतात. आपल्या चेहऱ्याची त्वचा हि नाजूक असते. सूर्य किरणांचा तसेच वातावरणातील धूळ आणि प्रदुषणाचा थेट परिणाम आपल्या चेहऱ्यावर दिसून येतो.
आपली त्वचा काळपट दिसू लागते आपण याकडे दुर्लक्ष केले तर यामुळे आपली त्वचा कोरडी आणि निस्तेज दिसू लागते. सन टॅनिंगपासून बचाव करण्यासाठी त्वचेची काळजी घेणं गरजेचे आहे म्हणूनच आज आपण जाणून घेणार आहोत. सन टॅनिंगपासून बचाव करण्यासाठी घरगुती उपाय.
उन्हामध्ये बाहेर पडणार असाल तर 20 मिनिट आधी आपल्या हाताना चेहऱ्याला सनस्क्रिम लोशन लावा. सनस्क्रिम लोशन आपल्या त्वचेचे बाहेरून आणि आतून होणाऱ्या नुकसानापासून वाचवण्यास मदत करते. सनस्क्रिम लोशन लावल्यामुळे सूर्याच्या किरणांचा आपल्या त्वचेवर परिणाम होत नाही.
उन्हामुळे चेहऱ्याची त्वचा काळपट झाली असल्यास त्यावर नारळाचे पाणी दिवसातून दोन वेळा लावा. असे केल्याने चेहऱ्यावरील काळपटपणा कमी होण्यास मदत होईल.
उन्हामुळे चेहऱ्याची त्वचा काळपट झाली असल्यास आपण एका वाटीमध्ये थोडेसे ग्लिसरीन घ्या त्यामध्ये चमचाभर लिंबाचा रस घाला. हे मिश्रण चेहऱ्याला, मानेला लावा. 30 मिनिटे राहूद्या नंतर चेहरा स्वच्छ धुऊन घ्या. असे केल्याने चेहऱ्यावरील काळपट पणा कमी होईल.
उन्हामुळे चेहऱ्यावर आलेला काळपट पणा घालवण्यासाठी २ चमचा बेसन पिठामध्ये 1 चमचा हळद पावडर मिसळून घ्या. त्यानंतर त्यामध्ये काही थेंब लिंबाचा रस आणि दूध मिसळून घ्या आता हे मिश्रण आपल्या चेहऱ्याला लावा. साधारणपणे 15 मिनिट राहूद्या त्यानंतर चेहरा थंड पाण्याने धुऊन घ्या आपला चेहरा परत पहिल्यासारखा ग्लो करेल.
उन्हामुळे चेहऱ्यावर आलेला काळपट पणा घालवण्यासाठी 5 चमचे मुलतानी माती घ्या त्यामध्ये चमचाभर कोरफड जेल मिसळा त्यानंतर त्यामध्ये थोडेसे गुलाब जल मिसळून चांगली पेस्ट बनवा. हि पेस्ट आपल्या चेहऱ्याला, मानेला लावा. 15 मिनिटांनंतर चेहरा स्वच्छ पाण्याने धुऊन टाका. असे केल्याने आपला चेहरा उजळेल.
उन्हामुळे चेहऱ्यावर आलेला काळपट पणा घालवण्यासाठी पिकलेल्या पपईचा गर आणि मध एकत्र करुन चेहऱ्याला लावा असे केल्याने चेहऱ्यावरील टॅनिंग दूर होण्यास मदत मिळेल. हे मिश्रण 30 मिनिटे चेहऱ्यावर ठेवा आणि त्यानंतर थंड पाण्याने चेहरा धुऊन टाका. असे केल्याने उन्हामुळे चेहऱ्यावर आलेला काळपट पणा कमी होऊन जाईल आणि आपला चेहरा परत पूर्वीसारखा ग्लो करेल.
चेहऱ्यावर आलेला काळपट पणा घालवण्यासाठी आपण दुधाच्या सायीचा हि वापर करू शकता. यासाठी 1 चमचा दुधाच्या सायीमध्ये चिमूटभर हळद मिसळा. हे मिश्रण आपल्या चेहऱ्यावर लावा. 10 ते 15 मिनिट चेहरा सुकून द्या त्यांतर थंड पाण्याने चेहरा धुवा. असे आठवड्यातून 2 वेळा करा. आपला चेहरा परत पूर्वीसारखा दिसू लागेल.
आपल्याला उन्हाळ्यात चेहऱ्यावर होणाऱ्या सन टॅनिंगपासून बचाव करण्यासाठी घरगुती उपाय हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.