आपल्याला रोज दिसणारी तुळस ही एक गुणकारी वनस्पती आहे. आपण आपल्या घरात जी तुळस लावतो ती फॅब्ली लिबियाटी या वर्गात येते. भारतात तुळशीचे २६ प्रकार आहेत. आज जाणून घेऊयात शरीरासाठी तुळशीच्या पानाचे आरोग्यदायी फायदे.
तुळशी मध्ये डास आणि कीटक दूर ठेवण्याचा औषधी गुणधर्म असतात म्हणूनच घरासमोर तुळस लावतात. थंडी वाजत असेल, हात-पाय गार पडत असतील, तर अर्धा चमचा तुळशीच्या पानांचा रस आणि अर्धा चमचा मध यांचे मिश्रण थोडे थोडे घेण्याने लगेच बरे वाटते. हातापायांच्या तळव्यांना तुळशीचा रस चोळल्याने देखील फायदा होतो.
भूक लागत नसल्यास रोज सकाळी तुळशीचा एक चमचा रस साखरेसोबत घ्यावा. असे केल्याने भूक वाढण्यास मदत होते. तसेच पचनक्रिया ही चांगली होते.
आपल्या शरीरावर जखम झाली असल्यास खरचटले असल्यास तुळशीची पाने तुरटीमध्ये मिसळून लावल्याने जखम लवकर भरून येते. तुळशीच्या पानात अँटी ऑक्सिडंट असतात जे आपल्या शरीराच्या रोगप्रतिकारक क्षमतेला वाढविण्याचे काम करतात.
आपल्याला सर्दी, पडसं किंवा ताप आल्यास खडीसाखर, काळे मिरे आणि तुळशीच्या पानांना पाण्यामध्ये उकळवून काढा करावा आणि त्याचे सेवन करावं, किंवा आपण ह्या काढ्याचा घोळ वाळवून ह्याचा बारीक बारीक गोळ्या बनवून खाल्ल्या मुळे सर्दी, पडसं आणि तापामध्ये आराम मिळू शकतो.
श्वासाची दुर्गंधी येत असेल तर तुळशीची काही पाने चावा. असे केल्याने दुर्गंधी दूर होते. नियमित तुळशीच्या पानांचे सेवन केल्याने शरीरातील रक्त शुद्ध होऊन चेहऱ्यावरील मुरूम कमी होतात.
आपल्याला तुळशीच्या पानांचे सेवन केल्याने मिळणारे आश्चर्यकारक फायदे हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.