आपले पाय कोरडे पडून टाचांना भेगा पडल्यामुळे आपल्या पायांचे सौंदर्य कमी होते. टाचांना पडलेल्या भेगांकडे वेळीच लक्ष न दिल्यास भेगांमधून रक्तही येऊ लागते. म्हणून आपल्या टाचांना भेगा पडल्या असल्यास वेळीच हे प्रभावी घरगुती उपाय करू शकता.
आपल्या भेगा पडलेल्या टाचांना खोबरेल तेलाने मसाज करा. पायांना कोमट खोबरेल तेल लावल्याने ते मऊ होतील आणि त्यांचा कोरडेपणा दूर होईल. आंघोळ केल्यावर पाय चांगले कोरडे करा. नंतर त्यावर खोबरेल तेल चोळा आणि सुकू द्या. असे केल्याने आपल्या टाचा मऊ होतील.
आपल्या टाचांना भेगा पडल्या असल्यास त्यावर पेट्रोलियम जेली लावा. रात्री झोपण्यापूर्वी त्यावर पेट्रोलियम जेली लावा आणि मग पायात मोजे घाला. हा उपाय आठवडाभर जरी केला तरी आपल्या टाचा मऊ व्हायला लागतील.
टाचांना भेगा पडल्या असल्यास आपण त्यावर केळी आणि मध मिश्रण लावू शकता. हा केळी हे एक नैसर्गिक मॉइश्चरायझर आहे ज्यामध्ये व्हिटॅमिन-ए, सी आणि बी6 भरपूर प्रमाणात असते. तसेच मध आपली त्वचा हायड्रेटेड ठेवण्यास मदत करते.
रात्री झोपायच्या आधी एका वाटीत पिकेलेली केळी कुस्करून घ्या त्यामध्ये 2 चमचे मध मिसळून आपल्या टाचांवर लावा. सकाळी झोपेतून उठल्यावर आपले पाय धुऊन टाका.
आपल्याला टाचांना भेगा पडणे घरगुती उपाय हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.