आपल्या शरीरात पाण्याची कमतरता निर्माण होऊ नये यासाठी आपण पाणी, लिंबू पाणी, नारळ पाणी, फळांचा रस, उसाचा रस, कैरीचे पन्हे, लस्सी या गोष्टींचे सेवन करत असतो. यापैकीच आज आपण ताक प्यायल्याने आपल्याला कोणकोणते आरोग्यदायी फायदे होऊ शकतात याविषयी जाणून घेणार आहोत. ताकामध्ये कॅल्शियम, पोटॅशियम, रिबोफ्लेविन आणि व्हिटॅमिन बी 12 असे अनेक आवश्यक पोषक घटक असतात.
ताकामध्ये लैक्टिक ऍसिड असते, जे एक नैसर्गिक प्रोबायोटिक आहे जे बद्धकोष्ठता आणि इतर पाचन समस्या दूर करण्यास मदत करू शकते. ताक हे कमी-कॅलरी असलेले पेय आहे, ज्यामध्ये प्रति कप फक्त 99 कॅलरीज असतात.
ताक हे प्रथिनांचा एक चांगला स्रोत आहे, ताक प्यायल्याने आपली त्वचा तुकतुकीत होते, केस आणि नखे मजबूत होतात. ताकामध्ये अनेक पोषक आणि प्रोबायोटिक्स असतात जे रोगप्रतिकारक शक्ती वाढवण्यास मदत करतात.
ताकामध्ये कॅल्शियम घटक मोठ्या प्रमाणात असतात. जे आपली हाडे मजबूत करण्यासाठी आवश्यक असते. ताक नियमित सेवन केल्याने ऑस्टिओपोरोसिस आणि हाडांशी संबंधित इतर आजार टाळता येऊ शकतात.
ताकामध्ये पोटॅशियम घटक असतात, जे रक्तदाब कमी करण्यास मदत करतात. यामुळे ज्यांना उच्च रक्तदाबाचा धोका आहे. त्यांनी ताकाचे सेवन अवश्य करावे. आपल्याला ताक प्यायल्याने मिळणारे 10 आरोग्यदायी फायदे हि माहिती कशी वाटली हे आम्हाला कमेंट करून सांगा.
या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.