वयस्कर लोक उन्हात बसलेले आपल्याला दिसतात. त्यांच्याकडून आपल्याला असा सल्लाही मिळतो की उन्हात बसा. परंतु धावपळीच्या जगात कोणाला उन्हात बसणे जमत नाही. वेळेअभावी आपण आपल्या आरोग्याकडे दुर्लक्ष करतो, हे आपल्याला कळत नाही. परंतु उन्हात बसल्याने आपल्या शरीराला अनेक फायदे होतात. चला तर जाणून घेऊयात कोवळ्या उन्हात बसण्याचे आरोग्यदायी फायदे.
कोवळ्या उन्हात बसल्याने आपली हाडे मजबूत होण्यास मदत मिळते. लहान मुलांना उन्हात बसण्याचा सल्ला दिला जातो. कोवळ्या उन्हामुळे आपल्या शरीराला विटामिन डी मिळते.
विटामिन डी ची कमतरता असणाऱ्यांनी रोज सकाळी कोवळ्या उन्हात बसल्यास शरीरातील विटामिन डी ची कमतरता काही दिवसातच नाहीशी होईल. विटामिन डी कमतरतेमुळे होणारे आजार दूर होतील. त्यामुळे ज्यांना विटामिन डी ची कमतरता आहे त्यांनी आवर्जून सकाळच्या कोवळ्या उन्हामध्ये बसणे अत्यंत फायद्याचे असते.
सकाळच्या उन्हात बसल्यामुळे आपल्या शरीराची रोगप्रतिकारक शक्ती वाढते. सकाळच्या कोवळ्या उन्हामध्ये एक नवीन प्रकारची उर्जा शक्ती असते. ज्यामुळे आपल्याला ताजेतवाने वाटते आणि आपली रोगप्रतिकारशक्ती वाढवण्यासाठी कोवळ्या उन्हात बसणे अत्यंत फायद्याचे असते. त्यामुळे लहान मुलांना आणि वयस्कर लोकांना कोवळ्या उन्हात बसण्याचा सल्ला दिला जातो.
त्वचेसंबंधित कोणतेही आजार असतील तर कोवळ्या उन्हात बसल्याने हे आजार दूर होतात. शरीरावर कोणतेही बुरशीजन्य रोग असतील तर त्याला आळा बसतो. त्यामुळे उन्हामध्ये बसणे आपल्या त्वचेच्या आरोग्यासाठी अत्यंत फायदेशीर असते. म्हणून बऱ्याच वेळा आपल्याला कोवळ्या उन्हात बसण्यास सांगितले जाते.
कोवळ्या उन्हाचे आपल्या आरोग्यासाठी खूप फायदेशीर आहे. हे तर आपल्याला वरील माहितीतून समजले असेलच पण आपल्या मनात हा प्रश्न आलाच असेल कि किती वेळ आपण कोवळ्या उन्हात बसले पाहिजे. साधारण पणे 10 ते 15 मिनिटे आपण कोवळ्या उन्हात बसू शकता.
आपल्याला सकाळी कोवळ्या उन्हात 10-15 मिनिटे बसण्याचे आरोग्यदायी फायदे हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.