सफरचंद हे आपल्या आरोग्यासाठी खूप फायदेशीर असते, सफरचंदामध्ये व्हिटॅमिन सी, पोटॅशियम, कॅल्शियम असे पोषक घटक आढळतात. यामुळेच डॉक्टरसुद्धा सफरचंद रोज खाण्याचा सल्ला देतात. मात्र आजकाल सफरचंद चांगले दिसावे, चमकदार दिसावे यासाठी बरेचशे दुकानदार त्यावर मेणाचा लेप अर्थात वॅक्स कोटिंग करतात.
सफरचंदावर वॅक्स कोटिंग केल्याने सफरचंद जास्त दिवस ताजे असल्यासारखे दिसते. आपण हि असे सफरचंद ताजे समजून घरी आणतो आणि धुवून खातो, परंतु असे सफरचंद खाल्याने त्या सफरचंदांसोबत त्यावर असणारे वॅक्स कोटिंग हि आपल्या पोटात जाते जे आपल्या आरोग्यासाठी निश्तिच चांगले नसते.
म्हणूनच आज आपण सफरचंदावर केलेले वॅक्स कोटिंग काढण्यासाठी सोप्या टिप्स जाणून घेणार आहोत. सफरचंदावर असणारे वॅक्स कोटिंग काढून टाकण्यासाठी, एका भांड्यात थोडेसे गरम पाणी घ्या त्यानंतर त्यात एक चमचा मीठ घाला. त्यानंतर त्या पाण्यात 2 मिनिटे सफरचंद ठेवा. असे केल्याने सफरचंदावर असणारे वॅक्स कोटिंग निघून जायला मदत मिळते.
सफरचंदावर असणारे वॅक्स कोटिंग काढून टाकण्यासाठी आपण बेकिंग सोडा देखील वापरू शकता यासाठी सर्वप्रथम 1 लिटर पाण्यात 2 चमचे बेकिंग सोडा घाला त्यानंतर त्यामध्ये 1 चमचा मीठ मिसळून त्या भांड्यात सफरचंद साधारण 5 मिनिटे ठेवा. हा उपाय केल्याने सफरचंदावर असणारे वॅक्स कोटिंग निघून जाईल.
वॅक्स कोटिंग काढून टाकण्यासाठी आपण व्हिनेगरचा देखील वापर करू शकता. यासाठी 1 लिटर पाण्यात 2 चमचे व्हिनेगर टाका त्यानंतर त्या पाण्यात सफरचंद 5 मिनिटे राहूद्या असे केल्याने सफरचंदावर असणारे वॅक्स कोटिंग निघून जाईल.
आपल्याला सफरचंदावर केलेले वॅक्स कोटिंग काढण्यासाठी सोप्या टिप्स हि माहिती आपल्याला कशी वाटली हे आपण कमेंटमध्ये सांगा; अशीच आपल्या आरोग्यासाठी महत्वपूर्ण माहिती वाचण्यासाठी आपण आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.