रात्री पुरेशी झोप घेणे आपल्या आरोग्यासाठी आवश्यक असते. म्हणूनच आज आपण जाणून घेणार आहोत रात्री चांगली झोप येण्यासाठी सोप्या टिप्स. दररोज एकाच वेळी झोपण्याचा आणि उठण्याचा प्रयत्न करा. असे केल्याने आपल्या शरीराच्या अंतर्गत घड्याळाचे नियमन करण्यास मदत मिळते.
झोपण्यापूर्वी शक्य असल्यास कोमट पाण्याने अंघोळ करा, रात्री चांगली झोप येण्यासाठी आपण पुस्तक वाचणे किंवा शांत सुमधुर संगीत ऐकणे. अशा गोष्टी करू शकता असे केल्याने चांगली झोप यायला मदत होईल.
जर तुम्हाला दिवसा झोप घ्यायची असेल, तर ती कमी ठेवण्याचा प्रयत्न करा (20-30 मिनिटे) आणि दुपारी किंवा संध्याकाळी झोपणे टाळा. रात्री कॉफी, अल्को’होल युक्त पेय पिणे टाळा हे पदार्थ झोपेच्या गुणवत्तेत व्यत्यय आणू शकतात आणि झोप लागणे कठीण करू शकतात.
नियमित शारीरिक हालचाली झोपेची गुणवत्ता आणि कालावधी सुधारण्यास मदत करू शकतात. तथापि, झोपण्याच्या काही तास आधी जास्त व्यायाम करणे टाळा.
उच्च पातळीचा ताण झोपेमध्ये व्यत्यय आणू शकतो. ध्यान, योग किंवा दीर्घ श्वासोच्छवासाचे व्यायाम यासारख्या तणाव कमी करायला मदत करणाऱ्या गोष्टी करा.
झोपण्यापूर्वी मोबाईलचा वापर करू नका, मोबाईल मधून बाहेर पडणारा निळा प्रकाश आपल्या झोपेत व्यत्यय आणू शकतो. झोपण्यापूर्वी किमान एक तास मोबाईल वापरणे टाळा.
झोपायच्या आधी जड जेवण खाल्ल्याने झोपेच्या गुणवत्तेत व्यत्यय येऊ शकतो. रात्रीचे जेवण झोपण्याच्या किमान दोन ते तीन तास आधी पूर्ण करण्याचा प्रयत्न करा. आपल्या शरीराला रात्री चांगली विश्रांती मिळाल्याने आपण दुसर्यात दिवशी आपले काम चांगल्या प्रकारे करू शकाल.
आपल्याला रात्री चांगली झोप येण्यासाठी फॉलो करा ह्या टिप्स हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.