आपल्या आहारात पुरेशे फायबर घटक असलेले अन्नपदार्थ नसल्यामुळे, बैठे काम करणाऱ्यांना, अपचन, बद्धकोष्टता आजार असलेल्यांचे सकाळी पोट व्यवस्थित साफ होत नाही. पोट व्यवस्थित साफ न झाल्याने दिवसभर चीडचीड होत राहते. कामात मन लागत नाही. मलनिस्सारण क्रिया नीट न झाल्याने आतड्यांना सूज येऊ शकते त्यामुळे आज आपण पोट साफ होण्यासाठी घरगुती उपाय जाणून घेणार आहोत.
आपले पोट साफ होण्यासाठी सकाळी रिकाम्यापोटी एक ग्लास कोमट पाण्यात थोडी हिंग पावडर मिसळून प्या, असे केल्याने पोट साफ होईल नियमित हा उपाय केल्याने पचनक्रिया मजबूत व्हायला मदत होईल.
काळ्या मनुकामध्ये भरपूर फायबर घटक असतात, जे पचनक्रिया व्यवस्थित करून बद्धकोष्ठतेच्या समस्येपासून मुक्त होण्यासाठी खूप फायदेशीर असतात. भिजवलेल्या काळ्या मनुक्यांचे सेवन सकाळी केल्याने आपले पोट साफ होईल. दररोज सकाळी 1 कप आवळ्याचा ज्यूस प्यायल्यास बद्धकोष्ठतेपासून आराम मिळतो.
सकाळी कोमट पाण्यात भिजवलेले अंजीर सेवन केल्याने देखील पोट साफ व्हायला मदत मिळते. पोट साफ होण्यासाठी आपण एक चमचा एरंडी तेल पिवू शकता.
पोट साफ होण्यासाठी आपल्या आहारात गाजर, मुळा, बीट, रताळे, हिरव्या पालेभाज्या, संत्री, मोसंबी, पेरू असे फायबर घटक जास्त प्रमाणात असलेल्या गोष्टींचा समावेश नक्की करा.
बैठे काम करणाऱ्यांनी पोट साफ होण्यासाठी दररोज सकाळी किंवा संध्याकाळी नियमित व्यायाम केला पाहिजे. आपल्याला पोट साफ करण्यासाठी घरगुती उपाय हि माहिती आपल्याला कशी वाटली हे कमेंटमध्ये सांगा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.