पपईला आपल्या आरोग्यासाठी खूप फायदेशीर मानले जाते. म्हणूनच पपईचा वापर आयुर्वेदात औषध म्हणून केला जातो. पचनशक्ती मजबूत करण्यासाठी पपई खूप उपयोगी असते. पपई केवळ आरोग्यासाठीच नाही तर त्वचेसाठीही फायदेशीर असते म्हणूनच आज आपण जाणून घेणार आहोत पपईचे सेवन केल्याने मिळणारे आरोग्यदायी फायदे.
पपईमध्ये अँटिऑक्सिडेंट,फायबर, लोह, कॅल्शियम, पोटॅशियम, विटामिन बी, विटामिन सी, विटामिन ई, विटामिन ए, बीटा-कॅरोटीन आणि लाइकोपीन असे शरीराला आवश्यक असणारे अनेक पोषक घटक असतात.
पपई खाण्याचा एक महत्वाचा फायदा म्हणजे पपईमध्ये कॅलरी कमी आणि फायबर घटक जास्त असतात वजन कमी करणाऱ्यानी आपल्या डायटमध्ये पपईचा समावेश अवश्य करावा. पपई खाल्याने वजन हि कमी होईल आणि आपल्या शरीरातील कोलेस्टेरॉल ही नियंत्रित होईल.
नियमित पपईचे सेवन केल्याने रोगप्रतिकारक शक्ती वाढवण्यास मदत मिळते. रोगप्रतिकारक शक्ती चांगली असल्यास आपल्याला बरेचशे आजार होत नाहीत. पपईमध्ये पपेन नावाचे एंझाइम असते. आपल्यापैकी ज्यांना अन्नपचनाच्या संबंधी समस्या आहे त्यांनी पपईचे सेवन अवश्य करावे, बद्धकोष्टता आजार असणाऱ्यांनी तर पपईचे सेवन अवश्य केले पाहिजे.
पपईचे सेवन नियमित केल्यास आपल्या रक्तवाहिन्यांमध्ये जमा झालेले खराब कोलेस्टेरॉल काढून टाकायला मदत मिळते.
नियमित पपईचे सेवन केल्याने पपईमध्ये असणाऱ्या पोषक घटकांमुळे आपली त्वचा हायड्रेट राहते, त्वचा अधिक चमकदार दिसू लागते, त्वचा लवचिक बनते, चेहऱ्यावरील सुरकुत्या कमी होतात. चेहऱ्यावरील मुरुमाचे डाग घालवण्यासाठी देखील पिकलेल्या पपईचा वापर केला जातो.
पपईमध्ये असणाऱ्या विटामिन ए ह्या पोषक घटकामुळे आपली नजर तीक्ष्ण राहायला मदत मिळते. नियमित पपईचे सेवन करणाऱ्यांना रातआंधळेपणा, रंगआंधळेपणा सारखे आजार होत नाहीत.
वाढत्या वयाच्या मुलांना पपई खायला दिल्यास त्यांचा शारीरिक आणि बौद्धीक विकास चांगला होतो, पपईमध्ये असणाऱ्या पोषक घटकामुळे त्यांची हाडे मजबूत होतात. महिलांनी पपईचे सेवन केल्यास त्यांची मासिकपाळी नियमित राहायला मदत मिळते.
आपल्याला सकाळी पपई खाल्याने मिळणारे आरोग्यदायी फायदे हि माहिती आपल्याला कशी वाटली हे आपण कमेंटमध्ये सांगा; अशीच आपल्या आरोग्यासाठी महत्वपूर्ण माहिती वाचण्यासाठी आपण आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.