लाल भोपळा चवदार असण्याबरोबरच त्यापासून आपल्याला अनेक आरोग्यदायी फायदे देखील मिळतात. लाल भोपळ्यामध्ये प्रोटीन, कॅल्शियम, कार्बोहायड्रेट्स, लोह, फायबर, सोडियम, फोलेट, व्हिटॅमिन-सी, व्हिटॅमिन ई असे पोषक तत्व असतात. जे आपली त्वचा आणि केसांना निरोगी ठेवण्यासाठी उपयुक्त असतात. यासोबतच लाल भोपळा हा पित्तशामक असतो.
लाल भोपळ्याचे सेवन केल्याने आपल्या रक्तातील साखरेचे प्रमाण संतुलित व्हायला मदत मिळते. लाल भोपळ्याचे सेवन केल्याने पचनक्रिया मजबूत होते. लाल भोपळ्याचा आहारात समावेश केल्याने भोपळ्यामध्ये आढळणाऱ्या बीटा-कॅरोटीन या घटकामुळे आपले डोळे निरोगी राहायला मदत मिळते, आपली नजर तीक्ष्ण होते.
लाल भोपळ्यामध्ये कॅल्शियम घटक मोठ्या प्रमाणात असतात. त्यामुळे लाल भोपळ्याचे सेवन केल्याने आपली हाडे मजबूत व्हायला मदत मिळते. लाल भोपळ्यामध्ये व्हिटॅमिन-ए, व्हिटॅमिन-सी, व्हिटॅमिन-ई आणि बीटा कॅरोटीन, फायबर, रिबोफ्लेविन, पोटॅशियम असे गुणधर्म असतात. जे आपली रोगप्रतिकार शक्ती मजबूत करतात.
भोपळ्याचे सेवन केल्याने वजन कमी व्हायला मदत मिळते म्हणून आपण वजन कमी करायच्या डायटमध्ये भोपळ्याचा समावेश करु शकता. भोपळ्यामध्ये असणाऱ्या अँटिऑक्सिडंट गुणधर्मामुळे आपल्या शरीरातील खराब कोलेस्ट्रॉल पातळी कमी होऊ शकते. कोलेस्ट्रॉल पातळी कमी झाल्याने हृदयविकाराचा धोका कमी होतो.
लाल भोपळ्यामध्ये पोटॅशियम घटक असतात त्यामुळे लाल भोपळ्याचे सेवन केल्याने आपला रक्तदाब नियंत्रणात राहू शकतो. लाल भोपळ्याचे सेवन केल्याने त्यामध्ये असणाऱ्या अँटिऑक्सिडंट गुणधर्मामुळे दमा, अस्थमा असे आजार होण्याचा धोका कमी होतो.
आपल्याला लाल भोपळा खाण्याचे आरोग्यदायी फायदे हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.