वातावरणात होणाऱ्या सततच्या बदलामुळे सर्दी खोकला होत असतो. खोकल्यामुळे घसा हि दुखू लागू शकतो. खोकला आला कि आपल्याला अस्वस्थ वाटू लागते खोकला जास्त प्रमाणात वाढला तर डोकेदुखी सुरू होते. आज आपण जाणून घेणार आहोत कोरडा खोकला कमी करण्यासाठी सोपे घरगुती उपाय.
खोकल्यावर सर्वात सोपा उपाय म्हणजे कोमट दुध आणि हळद या दोन्हींचे मिश्रण करून जर तुम्ही घेतले तर तुमचा खोकला लवकर बरा होईल हळद अँटी वायरल आणि अँटी बॅक्टेरिअल असते, जी सर्दी-खोकला वाढण्यास रोखते.
दररोजच्या जेवणात 1 – 2 लसणाच्या – पाकळ्यांचा समावेश केल्यास खोकला होण्याची शक्यता फार कमी असते. हा अगदी साधासोपा आणि कमी खर्चाचा उपाय आहे.
कोरफडमध्ये अँटी-इंफ्लेमेटरी गुणधर्म आहेत जे कोरड्या खोकल्यापासून मुक्त होण्यास मदत करतात. त्याचे सेवन करण्यासाठी मधात मिसळून कोरफड रस प्या.
आल्याचा चहा पिल्याने देखील खोकला कमी होतो. सर्दी खोकला ताप या आजारांमध्ये आले बारीक करून पाण्यातून उकळून आल्याचा रस दिला तरीदेखील खोकल्या पासून सुटका होईल.
अति प्रमाणात खोकला अथवा वारंवार खोकला होत असेल तर तुम्ही मधासोबत हळद देखील घेऊ शकता यामुळे खोकला कमी होतो आणि घशाला आराम मिळतो.
कोरड्या खोकल्यापासून मुक्त होण्यासाठी आपण दिवसातून तीन ते चार वेळा कोमट पाण्यात मीठ टाकून त्या पाण्याने गुळण्या करा. असे केल्याने घसा मोकळा होऊन खोकला कमी येईल.
खोकल्यावर सर्वात सोपा उपाय म्हणजे तुळस. तुळशीची पाने गरम पाण्यामध्ये उकळून त्याचा रस केल्याने देखील खोकला निघून जातो अथवा तुळशीची पाने चघळा. तुळशीच्या सेवनाने लगेच आराम मिळतो.
ज्येष्ठमधाची काडीने देखील खोकला कमी होतो. जेष्ठमधाची पूड असेल तर ती गरम पाण्यामध्ये टाकून पिल्याने खोकला बरा होतो. ज्येष्ठ मध खाल्ल्याने तुमचा घसा बसला असल्यास तोही बरा होईल.
आपल्याला कोरडा खोकला कमी करण्यासाठी घरगुती उपाय हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.