आपल्या रोजच्या आहारामधून पुरेसे पोषक घटक न मिळाल्याने आपल्या केसांची वाढ खुंटते मात्र आपण संतुलित आणि पौष्टिक आहार घेतल्यास आपले केस मजबूत, दाट आणि काळे होऊ शकतात. आज आपण अशा काही पदार्थांबद्दल जाणून घेणार आहोत ह्या पदार्थांचा आपण आपल्या रोजच्या आहारात समावेश केला तर आपले केस मजबूत होऊ शकतात.
आपल्या आहारात आपण पालकचा समावेश केल्यास पालकमध्ये असणाऱ्या व्हिटॅमिन सी, फोलेट, लोह आणि बीटा कॅरोटीन ह्या घटकांमुळे आपले केस दाट आणि मजबूत होतील, शिवाय केसांमधील कोंडा दूर होईल.
आहारात अक्रोडचा समावेश केल्याने त्यामध्ये असणाऱ्या व्हिटॅमिन ई आणि मॅग्नेशियम घटकांमुळे केसांच्या वाढीला चालना मिळते आणि केस पातळ होण्याचे प्रमाण कमी होते.
अंड्यामध्ये बायोटिन आणि केराटिन असते जे केसांच्या वाढीस प्रोत्साहन देते. आपण आहारात अंड्याचा समावेश केल्यास आपले केस झपाट्याने वाढतील. गाजरामध्ये असणारे बीटा-कॅरोटीन घटक आपल्या केसांच्या वाढीला प्रेरणा देतात.
बदामामध्ये लोह, तांबे, फॉस्फरस, व्हिटॅमिन बी आणि प्रोटीन घटक असतात, आपल्या आहारात आपण बदामाचा समावेश केल्यास आपले केस मजबूत होतात. आहारात दह्याचा समावेश केल्याने देखील आपले केस मजबूत आणि लांब होऊ शकतात.
आपल्याला केसांच्या चांगल्या वाढीसाठी कोणकोणत्या पदार्थांचा आहारात समावेश करावा हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.