कॅल्शियम हा चांगल्या आरोग्यासाठी अतिशय महत्त्वाचा घटक आहे. कॅल्शियम कमी झाल्याने विविध समस्या उद्भवतात. याधीच्या लेखात आपण समजून घेतले आहे कि कॅल्शियमच्या कमतरतेमुळे कोणकोणते आजार होऊ शकतात, शरीरात कॅल्शियमची कमतरता असेल तर आपण आपल्या रोजच्या आहारामध्ये थोडासा बदल करून दूर करू शकता. आज आपण जाणून घेणार आहोत कॅल्शियम वाढवण्यासाठी सोपे घरगुती उपाय.
आपल्या आहारात दूध, दही, पनीर, चीज यांसारख्या दुग्धजन्य पदार्थांचा समावेश करा. दुग्धजन्य पदार्थांमध्ये कॅल्शियम जास्त प्रमाणात असते. कॅल्शियम वाढवण्यासाठी आहारात हिरव्या पालेभाज्यांचा समावेश करू शकता. हिरव्या पालेभाज्यांमध्ये ही कॅल्शियम मोठ्या प्रमाणात असते. मेथी, पालक, कोबी, कोथिंबीर अश्या भाज्यामधून आपल्याला कॅल्शियम मोठ्या प्रमाणात मिळते.
आपल्या आहारात संत्र्याचा समावेश करा संत्र्याच्या सेवनामुळे प्रतिकारशक्ती वाढण्यास मदत मिळते. संत्र्यामध्ये ‘डी’ जीवनसत्त्वही असते. डी जीवनसत्त्वामुळे कॅल्शिअम शरीरात शोषले जाते. एक मध्यम आकाराचे संत्रे सेवन केल्याने 60 मिलिग्रॅम कॅल्शिअम मिळते.
नाचणीच्या भाकरीचा आहारात समावेश करा. नाचणीमध्ये मोठ्या प्रमाणात कॅल्शियम असते. कॅल्शियम वाढवण्यासाठी आहारात बदाम, पिस्ता, अक्रोड, मनुके यांचा ही समावेश करू शकता. या फळांमध्ये पुरेसे कॅल्शियम असते. या मधून तुम्हाला भरपूर कॅल्शियम मिळेल.
डाळी आणि कडधान्ये कॅलशियमचा एक चांगला स्त्रोत आहेत. याबरोबरच यांच्यामध्ये फायबर,प्रोटिन्स,मायक्रो न्युट्रिएंट्स, लोह, झिंक, मॅग्नेशियम, पोटॅशियमदेखील मोठ्या प्रमाणात असतात.
आपल्याला कॅल्शियम कमतरता दूर करण्यासाठी घरगुती उपाय हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.