हिवाळ्यात सुक्या मेव्याचे सेवन आरोग्यासाठी फायदेशीर मानले जाते. महाराष्ट्रात कोकण परिसरात काजूचे पिक मोठ्या प्रमाणात घेतले जाते. काजू चवीला चांगले असण्याबरोबरच आपल्या आरोग्यासाठी हि चांगले असतात.
काजू मध्ये , प्रोटीन, आर्यन, व्हिटॅमिन बी, व्हिटामिन ई, कॅल्शिअम, लोह, फायबर, फोलेट, मॅग्नेशियम, पोटॅशिअम, फॉस्फरस, सेलेनियम, अँटी-ऑक्सिडंट्स, सोडियम, झिंक असे शरीराला आवश्यक असणारे पोषक घटक असतात.
आज आपण काजू खाल्याने मिळणारे आरोग्यवर्धक फायदे जाणून घेणार आहोत. मायग्रेनचा त्रास होत असल्यास आपण 21 दिवस दररोज काजू खाल्यास आपल्याला आराम मिळू शकतो.
काजूचे सेवन केल्याने चेहऱ्यावर ग्लो यायला मदत मिळते, काजूमध्ये पॉलीफेनोल्स आणि कैरोटेनॉयड्स एंटीऑक्सिडेंट घटक असतात. काजूचे सेवन केल्याने त्वचेवर अकाली सुरकुत्या येण्याचे प्रमाण कमी होते. चेहऱ्यावरील डाग कमी होतात.
काजू खाल्ल्याने आपली बुद्धी तल्लख होते. लहान मुलांची स्मरणशक्ती वाढण्यासाठी आपण त्यांना बदामाबरोबरच अक्रोड आणि काजू देखील खायला देऊ शकता. काजूचे सेवन केल्याने थकवा दूर करण्यास मदत होते.
काजू खाल्याने त्यामध्ये असणाऱ्या कॅल्शिअम घटकांमुळे आपले दात, हाडे बळकट होतात. काजूचे सेवन केल्याने पचनसंस्था मजबूत होते, काजुमध्ये चांगल्या प्रमाणात फायबर घटक असतात.
दररोज 3 ते 5 काजू खाल्ल्याने आपल्या शरीरात निरोगी लाल रक्तपेशी वाढवण्यास मदत मिळते. काजू हृदयाच्या आरोग्यासाठी खूप फायदेशीर मानले जातात. काजूचे सेवन केल्याने काजूमध्ये असणाऱ्या व्हिटॅमिन ई ह्या घटकामुळे आपली त्वचा नितळ आणि चांगली होते.
काजू खाण्याचे फायदे असले तरी काजू हा उष्ण गुणधर्म असणारा पदार्थ असल्याने त्याचे सेवन हे प्रमाणातच करणे आपल्या आरोग्यासाठी हितकारक आहे. काजूचे अति सेवन केल्यास आपल्या शरीरात उष्णता वाढण्याची समस्या होऊ शकते.
आपल्याला काजू खाल्याने मिळणारे आरोग्यवर्धक फायदे हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा.
ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.