हिवाळ्यात पौष्टिक अन्न रोगप्रतिकार शक्ती वाढवण्यासाठी आणि आपल्या शरीराची कार्यक्षमता वाढविण्यात महत्त्वपूर्ण भूमिका बजावते. म्हणूनच आज आपण हिवाळ्यात आपल्या आहारात अंड्यांचा समावेश केल्याने कोणकोणते फायदे मिळू शकतात हे जाणून घेणार आहोत.
अंड्यामध्ये प्रोटीन, कॅल्शियम, व्हिटॅमिन बी 2, झिंक, तांबे, लोह, फोलेट, अमिनो ऍसिडस्, सेलेनियम, व्हिटॅमिन बी 6, बी 12 आणि व्हिटॅमिन डी असे आपल्या शरीरासाठी आवश्यक पोषक घटक असतात.
अंड्याचे सेवन केल्याने अंड्यामध्ये असणाऱ्या कॅल्शियम, व्हिटॅमिन डी आणि प्रोटीनमुळे हाडे मजबूत होतात आणि हाडांशी संबंधित आजारांचा धोकाही कमी होतो.
अंड्यामध्ये झेक्सॅन्थिन आणि ल्युटीन नावाचे पोषक घटक आढळतात, जे आपले डोळे निरोगी ठेवण्यासाठी महत्वाचे असतात. अंड्यामध्ये असणाऱ्या कॅरोटीनॉइड्स घटकांमुळे प्रमाणात डोळ्यांचे स्नायू मजबूत होतात.
अंड्याचे सेवन केल्याने स्मरणशक्ती चांगली राहायला मदत मिळते. अंड्यांमध्ये असणाऱ्या व्हिटॅमिन बी-12 घटकांमुळे तणाव कमी व्हायला मदत मिळते. अंड्याचे सेवन केल्याने आपल्या शरीरामधील स्नायू मजबूत होतात.
अंड्यांमध्ये व्हिटॅमिन ए, व्हिटॅमिन बी 12 आणि सेलेनियम घटक असतात, जे रोगप्रतिकारक शक्ती मजबूत करण्यासाठी उपयोगी असतात. अंड्याचा आहारात समावेश केल्याने शरीरातील लोहाची कमतरता दूर होते.
अंड्याचा पांढरा भाग खाल्ल्याने रक्तदाब सामान्य राहण्यास मदत होते. अंड्यांमध्ये व्हिटॅमिन-डी घटक असतात, जे हाडे आणि दात मजबूत करण्यासाठी उपयोगी असतात, अंड्याचे सेवन केल्याने सूर्याची किरणे शरीरात शोषली जातात, ज्यामुळे हाडे मजबूत होतात.
आपल्याला हिवाळ्यात अंडी खाल्याने मिळणारे आरोग्यदायी फायदे हि माहिती आपल्याला कशी वाटली हे कमेंटमध्ये सांगा; अशीच आरोग्यासाठी महत्वपूर्ण माहिती वाचण्यासाठी आमचे फेसबुक पेज लाईक करा. ह्या माहितीमध्ये काही बदल सुचवायचे असतील तर आम्हाला मेसेज मध्ये कळवा.
महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.