आपल्या शरीरात होणाऱ्या हार्मोनल बदलांमुळे, धूळ, प्रदूषण याचा परिणाम आपल्या त्वचेवर होत असतो. आपल्या त्वचेवर पिंपल्स, व्हाईटहेड्स, ब्लॅकहेड्स येत असतात.
घरगुती उपायांच्या मदतीने चेहऱ्यावरील पिंपल्स गेले तरीही त्याचे डाग आणि खड्डे आपल्या चेहऱ्यावर तसेच राहतात चेहऱ्यावरील डाग आणि खड्ड्यांमुळे आपला चेहरा खराब आणि निस्तेज दिसू लागतो. म्हणूनच आज आपण जाणून घेणार आहोत चेहऱ्यावरील खड्डे घालवण्यासाठी घरगुती उपाय.
चेहऱ्यावरील खड्डे जाण्यासाठी हा सोपा उपाय आपण करून बघू शकता यासाठी एका वाटीत थोडी मुलतानी माती घ्या त्यामध्ये गुलाबजल मिसळून पेस्ट बनवा. हि पेस्ट आपल्या चेहऱ्यावर लावा 30 मिनिटे राहूद्या नंतर कोमट पाण्याने चेहरा धुऊन टाका. ह्या उपायाने आपल्या चेहऱ्यावरील खड्डे हळू हळू कमी होतील आणि चेहरा नितळ दिसू लागेल.
चेहऱ्यावरील खड्डे कमी होण्यासाठी आपण दह्याचा आणि बेसनाचा वापर करू शकता. यासाठी एका वाटीत थोडे दही घ्या त्यामध्ये थोडेसे बेसन पीठ मिसळून पेस्ट बनवा हि पेस्ट आपल्या चेहऱ्यावर लावा अर्धा तास राहूद्या नंतर चेहरा कोमट पाण्याने धुऊन टाका. हा उपाय नियमित केल्याने चेहरा उजळेल आणि चेहऱ्यावरील खड्डे देखील कमी होतील.
चेहऱ्याचे सौंदर्य वाढवण्यासाठी चंदनाचा वापर अनेक वर्षांपासून केला जात आहे. चंदनाच्या वापराने देखील चेहऱ्यावरील खड्डे कमी होतात. यासाठी एका वाटीत थोडीशी चंदन पावडर घ्या त्यामध्ये गुलाबजल मिसळून पेस्ट बनवा.
हि पेस्ट हलक्या हाताने आपल्या चेहऱ्यावर लावा. नियमित हा उपाय केल्याने आपला चेहरा उजळेल चेहऱ्यावरील पिंपल्स कमी होतील तसेच चेहऱ्यावरील डाग खड्डे देखील कमी होतील.
लक्षात ठेवा आपल्या चेहऱ्यावर पिंपल्स आलेले असतील तर ते नखाने फोडू नका. पिंपल्स फोडल्याने चेहऱ्यावर डाग आणि खड्डे पडतात. आपला चेहरा टवटवीत दिसावा यासाठी आहारात हिरव्या पालेभाज्या, फळ यांचा समावेश करा. तेलकट, मसालेदार पदार्थ खाणे कमी करा.
नियमितपणे 2 / 3 लिटर पाणी प्या. पाणी आपल्या त्वचेवरील ओलावा टिकवून ठेवण्यासाठी गरजेचे असते. भरपूर पाणी प्यायल्याने चेहरा ताजा तवाना राहायला मदत मिळते.
आपल्या आरोग्यासाठी महत्वपूर्ण अशी माहिती वाचण्यासाठी आमचे फेसबुक पेज फॉलो करायला विसरू नका. माहिती आवडली असेल तर शेयर करा. आपल्याला चेहऱ्यावरील खड्डे घालवण्यासाठी घरगुती उपाय हि माहिती कशी वाटली हे आम्हाला कमेंट करून सांगा.
या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.