उन्हाळ्यात आपल्या शरीराला पाण्याची जास्त गरज असते; म्हणून उन्हाळ्यात कलिंगड, संत्री, अननस अशा रसाळ फळांचा आपण आपल्या आहारात समावेश केला पाहिजे. आज आपण अननस खाल्याने कोण कोणते आरोग्यदायी फायदे मिळतात हे जाणून घेणार आहोत.
अननस हे फळ चवीला आंबट गोड असते. अननसामध्ये एंटीऑक्सीडेंट, विटामीन सी, विटामिन ए, लोह, कॅल्शियम, मॅग्नेशियम,पोटॅशियम, फायबर पोषक घटक असतात. अननस खाल्याने अननसमध्ये असणाऱ्या पोषक घटकांमुळे हिरड्या मजबूत आणि निरोगी राहायला मदत होते.
अननसाच्या सेवनामुळे हाड बळकट होण्यास मदत होते; यातील कॅल्शियम, मॅग्नेशियम हे हाड मजबूत करण्याचे काम करतात. अननसामधील पोटॅशियम हे आपले ब्लडप्रेशर नियंत्रित ठेवण्यासाठी फायदेशीर असते.
अननसाचे सेवन केल्याने आपली पचन संस्था सुधारण्यास मदत होते. अननसा मधील ब्रोमेलन हे आपल्या शरीरात अमिनो एसिड बनण्या साठी प्रतिबंध करते, तसेच अन्न पचनासाठी मदत करते . अननसाचे सेवन केल्या मुळे अपचन आणि आळस या दोन्ही गोष्टीवर आपल्याला थोड्या बहुत प्रमाणात नियंत्रण ठेवता येते .
अननसामध्ये असणाऱ्या विटामीन सी ह्या पोषक घटकामुळे आपल्या शरीराची रोग प्रतिकार शक्ती वाढवायला मदत मिळते. ज्यांना ज्यांना संधिवाताचा त्रास आहे त्यांनी अननस खाल्यास संधिवाताच्या वेदनां पासून त्यांना आराम मिळू शकतो. अननसा मध्ये अँटी-इंफ्लेमेटरी गुणधर्म असतात
सगळ्यात महत्त्वाचं म्हणजे अननसा मध्ये बऱ्याच प्रमाणात एंटीऑक्सीडेंट असतात. ज्यामुळे आपल्या शरीरातील सेल्स म्हणजेच पेशी निरोगी राहण्यास मदत होते.
तसेच एंटीऑक्सीडेंट आणि विटामीन सी मुळे आपल्या वाढत्या वयामुळे डोळ्यांवर होणारा परिणाम कमी होण्यास मदत होते. आपल्याला अननस खाण्याचे 10 आरोग्यदायी फायदे हि माहिती कशी वाटली हे आम्हाला कमेंट करून सांगा.
या माहितीमध्ये काही बदल सुचवायचे असतील तर आम्हाला मेसेज मध्ये कळवा. महत्वाची टीप: हा लेख फक्त सामान्य माहितीसाठी प्रकाशित केला असून हि माहिती विविध संदर्भ घेऊन संकलित करण्यात आलेली आहे.